તા. 10-8-2010
જૂનાગઢથી કોઠારી ધર્મકીર્તિ સ્વામીનો ફેક્સ આવ્યો હતો. એમાં તેઓએ વિગત લખી હતી કે ‘હરિભાઈ મહેતા અહીંના આજીવન સેવક છે. 1993થી તેઓ સેવા આપે છે. પહેલાં હરિમંદિરમાં તેઓ પૂજારી તરીકે હતા. અત્યારે નીલકંઠ વર્ણી અભિષેક મંડપમ્માં સેવા આપે છે. રોજ સવારે 4 કિલોમીટર ચાલીને 6:00 વાગ્યા સુધીમાં મંદિરે આવી જાય છે. 85 વર્ષની ઉંમર છે. ઠંડા પાણીથી સ્નાન કરે છે.’
આટલું વાંચ્યા પછી સ્વામીશ્રી કહે : ‘એમને કહેવાનું કે હવે ગરમ પાણીએ નહાય.’ વળી પાછા કહે : ‘ઠંડા પાણીથી વાંધો ન આવતો હોય તો ભલે ઠંડા પાણીએ નહાય.’
આ વાત કરતાં સ્વામીશ્રીની આ ભલામણમાં એક સંનિષ્ઠ હરિભક્ત પ્રત્યેની સંભાળનો જે ભાવ છલકાતો હતો તે ખરેખર દર્શનીય હતો.