તા. 26-4-2017, કોલકાતા

સ્વામીશ્રી જે દિવસે અહીં પધાર્યા તેના આગલા જ દિવસે જબરદસ્ત આંધી અને ધોધમાર વરસાદ પડ્યો હતો, જેને કાળવૈશાખી કહેવામાં આવે છે. અહીં વૈશાખ માસ તથા આગળ-પાછળના દિવસોમાં 4-5 વાર આવું થતું હોય છે. અને સ્વામીશ્રીના રોકાણ દરમિયાન આવા પ્રકારના વાતાવરણની પૂરી આગાહી હતી. સંતોએ આ વાત જણાવીને સ્વામીશ્રીને પ્રાર્થના કરી હતી કે ‘તા. 25 અને 26મીએ આપણા મુખ્ય કાર્યક્રમો છે, તો વરસાદ વિઘ્ન ન કરે...’ સ્વામીશ્રીએ આશીર્વાદ આપ્યા હતા કે ‘કાંઈ નહીં થાય.’
આજે તે બીજો દિવસ પણ પૂર્ણ થયો હતો.
સ્વામીશ્રીના આશીર્વાદ પ્રમાણે વરસાદનું એક ફોરુંય ન પડ્યું ! ૐ श्रीप्रकृतिनियामकाय नमः। - સ્વામીશ્રી ખરેખર પ્રકૃતિના નિયામક છે.