ભારતીય સંસ્કૃતિમાં યજ્ઞનો આગવો મહિમા છે. ભારતની યજ્ઞપરંપરા શીખવે છે કે સર્વ કંઈ ભગવાનને અર્પણ કરીને ભોગવો, ત્યાગીને ભોગવો.

• યજ્ઞ એ જીવનને ઊર્ધ્વમાર્ગ તરફ લઈ જતી શક્તિ છે.
• યજ્ઞ એ ભારતીય-વૈદિક સંસ્કૃતિનું જીવંત સ્મારક છે.
• યજ્ઞ એ જીવનનો અમૂલ્ય લહાવો છે.

ગુજરાત સદૈવ જેમનું ૠણી છે એવા ભગવાન સ્વામિનારાયણે ગામોગામ અહિંસક યજ્ઞો કરાવીને ભારતીય સંસ્કૃતિની યજ્ઞીય પરંપરાનો ખૂબ મહિમા વધાર્યો છે. તેમની ગુણાતીત ગુરુપરંપરાએ પણ એ જ યજ્ઞીય પરંપરાને વિસ્તારી છે.

એ જ શૃંખલામાં, સ્વામિનારાયણ અક્ષરધામ, ગાંધીનગરના આંગણે તપોમૂર્તિ શ્રી નીલકંઠવર્ણી મૂર્તિપ્રતિષ્ઠા મહોત્સવ પ્રસંગે એક વિશ્વશાંતિ શ્રી સ્વામિનારાયણ મહાયાગનું ભવ્ય આયોજન પ્રગટ બ્રહ્મસ્વરૂપ પરમ પૂજ્ય મહંત સ્વામી મહારાજની દિવ્ય સંનિધિમાં કરવામાં આવ્યું છે. આ મહાયજ્ઞમાં હજારો ભાવિકો યજ્ઞનારાયણને આહુતિ આપી જીવન ધન્ય કરશે.

ભગવાન શ્રી નીલકંઠ વર્ણીની મૂર્તિપ્રતિષ્ઠાના અણમોલ અવસરે યોજનારા આ મહાયજ્ઞમાં આપ પણ જોડાઈને આપના જીવનને ચિરંતન સ્મૃતિઓથી ધન્ય બનાવો એ જ અભ્યર્થના.

આપની સેવાની રકમ અક્ષરધામ તથા હરિમંદિર ખાતે પણ સ્વીકારાશે. સેવાનો ચેક/ડ્રાફ્ટ ‘બોચાસણવાસી શ્રી અક્ષરપુરુષોત્તમ સ્વામિનારાયણ સંસ્થા’ (BAPS)ના નામનો આપવાનો રહેશે.

સંપર્ક : યજ્ઞ વિભાગ,
તપોમૂર્તિ શ્રી નીલકંઠવર્ણી મૂર્તિપ્રતિષ્ઠા મહોત્સવ
સ્વામિનારાયણ અક્ષરધામ
હરિમંદિર ‘જ’ રોડ, સેક્ટર 20, ગાંધીનગર-382020
ફોન નં. +91 9426585560

પ્રયોજક : બી.એ.પી.એસ. સ્વામિનારાયણ સંસ્થા

અધ્યક્ષ : પ્રગટ બ્રહ્મસ્વરૂપ પરમ પૂજ્ય મહંત સ્વામી મહારાજ