(તા. ૧૪-૦૧-૨૦૦૮, મુંબઈ)
દારેસલામના સુભાષભાઈએ કેન્યાની પ્રતિકૂળ અને અસલામત રાજકીય પરિસ્થિતિની વાત કરતા સ્વામીશ્રીને કહ્યું : 'કેન્યામાં તકલીફ છે, પણ દારેસલામમાં અમે અમારી રીતે પ્લેન તૈયાર રાખ્યું હતું અને મ્વાન્ઝા તેમજ અન્ય મંદિરોમાં ઉતારાની સગવડ કરી રાખી હતી. ત્યાં પણ કહેવડાવી દીધું હતું કે કાંઈ પણ તકલીફ થાય તો અમારે ત્યાં આવી જજો, બધું જ તૈયાર છે.'
સ્વામીશ્રી કહે : 'સુભાષ બહુ તૈયાર. એને પરિસ્થિતિ જોઈને તાત્કાલિક ખબર પડી જાય કે શું કરવું જોઈએ?'
સુભાષભાઈ કહે : 'એ બધું આપે જ શિખવાડેલું છે.'
સ્વામીશ્રી કહે : 'ભગવાન પ્રેરણા કરે છે, આપણે શું શિખવાડવાના?'
સુભાષભાઈ કહે, 'આપ જ ભગવાનનું સાક્ષાત્‌ સ્વરૂપ છો ને. અમારે બીજુ  ક્યાં લેવા જવું ?'
સ્વામીશ્રી કહે : 'પહેલા અવળું ચક્કર હતું, પણ ભગવાનની દયાથી સવળું થઈ ગયું તે આવા વિચાર આવે છે.'