તા. 4-8-2017, લોસ એન્જેલસ
આજે સ્વામીશ્રીને જે સ્વપ્ન આવ્યું હતું તે અત્યારે યાદ કર્યું :
‘શાસ્ત્રીજી મહારાજે પ્રગટ થઈને આ ચિત્ર(મૂર્તિ)ની આરતી ઉતારી. પછી પાછા શમી (સમાઈ) ગયા. પછી સીધા બોચાસણ મંદિરે દેખાયા, ત્યાં પ્રતિષ્ઠાનો માહોલ હતો, ત્યાં આરતી ઉતારી. બાપા(પ્રમુખસ્વામી મહારાજ) મુજરા કરતા’તા...’
સ્વામીશ્રીએ, બાપા કેવી રીતે મુજરા કરતા હતા તે, બે હાથ ઊંચા કરીને કરતાલ વગાડતાં મુજરા કરવાની એક્શન કરીને બતાવ્યું. ‘આવી રીતે મુજરા કરતા સ્વામીશ્રીનાં પ્રથમ વાર દર્શન થયાં.’
આ સ્વપ્નમાં યોગીબાપા ક્યાંય ન આવ્યા, તેનું અનુમાન કરતાં સ્વામીશ્રી હળવેકથી કહે : ‘યોગીબાપા યુવાસભામાં હશે !’ સૌ હસી પડ્યા.