તા. 1-7-2010, દિલ્હી
કૉંગ્રેસના રાષ્ટ્રીય જનરલ સેક્રેટરી અહમદ પટેલ સ્વામીશ્રીનાં દર્શને આવ્યા. તેઓની સાથે તેઓના
સુપુત્ર ફૈઝલ તથા ‘માઇક્રો ઇન્ક’વાળા વાપીના ફિરોઝ બીલખિયા તથા તેઓના સેક્રેટરી મહાજનજી ને ભરૂચ ખાતેના તેઓના પી.એ. યુનુસભાઈ ને સિકન્દરાબાદવાળા ઘનશ્યામભાઈ પણ હતા.
અહમદભાઈ કહે : ‘મને તો એમ કે આપ બે દિવસમાં જતા રહેવાના છો. મને જો ખબર હોત કે દસ-પંદર દિવસ હજી રોકાવાના છો, તો નિરાંતે વધુ સમય લઈને આવત.’
સ્વામીશ્રી આ સાંભળીને કહે : ‘અમે તો કદાચ હોઈએ, પણ તમે અચાનક બહાર જતા રહો તો રહી જાય ને ! એટલે ધર્મના કામમાં શીઘ્રમ્ કરવું, જલદી કરવું.’
સ્વામીશ્રીની બૌદ્ધિક ચપળતા અને વિવેક આ ઉંમરે પણ કેટલાં અદ્ભુત છે !