બોરીવલીના હરિભક્ત શ્રી કેશવભાઈ યોગીજી મહારાજનું વત્તુ કરતા હતા. વત્તુ થઈ રહ્યા પછી સ્વામીશ્રી કહે : 'હાથ બહુ હળવો, વનમાળીભાઈ જેવો હળવો હાથ છે.'
વાળંદે ખૂબ ભાવથી વત્તુ કર્યું હતું તેથી સ્વામીશ્રી બહુ રાજી થયા ને આશીર્વાદ આપ્યા.
એટલામાં મધુ કહે : 'બાપા, અત્યારે તો વાળ કપાવ્યા પછી ટીપ (બોણી) આપવી પડે છે. સલામ ભરે તેના પૈસા આપવા પડે.'
'જાઓ, અક્ષરધામ આપ્યું ! મોક્ષ આપ્યો !' સ્વામીશ્રીએ એકદમ હાથ ઊંચો કરી એકાએક આશીર્વાદ આપ્યા ને કહે : 'વ્યવહારે સુખી થાય ને મોક્ષ મળે એથી બીજું શું વધુ ?'
વત્તુ કરાવતાં સ્વામીશ્રી કહે : 'આ બધા કૉલેજના છોકરા મુંડન કરાવે તો આને (વાળંદને) બહુ સારું (કમાણી બહુ થાય).'

- સાધુ ઈશ્વરચરણદાસ